Magniflex ја прослави 10-годишнината на македонскиот пазар – Декада на квалитетен сон и врвен комфорт

Со голема радост го прославивме значајниот јубилеј – 10 години присуство на Magniflex во Македонија. Настанот се одржа во пријатната атмосфера на ресторанот Бела Виста, каде што  уживавме во италијанската музика на познатиот Павле Камилоски, кој ја долови автентичната магија на италијанскиот стил.

Во текот на изминатата деценија, заедно со тимот успеавме да го изградиме Magniflex како доверлив партнер на илјадници македонски потрошувачи, нудејќи врвна удобност и квалитетен сон, инспирирани од италијанската традиција и поддржани со најсовремени технологии. Од самиот почеток во 2013 година, постојано се стремиме да ги воведеме најновите иновации, за да обезбедиме здрав и комфорен сон на нашите клиенти.

Со уникатни патентирани технологии и природни, еколошки материјали, нашите производи обезбедуваат оптимална поддршка и правилна положба на телото за секој клиент. За нас, квалитетниот сон е основа за здравјето и добросостојбата на нашите корисници, а нашата мисија е постојано да ги задоволуваме и надминуваме очекувањата на македонскиот пазар.